小寶公寓

終於體會到,齊心就事成的那種興奮心情.

2日前同Tiffany去食飯,佢話見到四川的人民好慘,想帮下佢地.於是我同黃婆就叫佢係官網出帖,

我地出帖支持.於是,Tiffany就係夜晚12:00出左張帖,話想用"張棟樑國際官方網站(香港分區)"

名義去捐款.最終,係短短2日之內籌到$8000.00,大家都好支持.

今日,TVB個籌款節目終於開SHOW啦.電話NO係183 1212(哈哈,呢個電話NO,我諗有幾個朋友發夢

都會記得).一開始我地就睇住電視,睇下我地段籌款幾時會播,但後來收到消息,跟來亞藍都未打得

通個電話,所以我地就開住個MSN 6個人一齊打.幸運地,比我打得通,問清楚個義工,今晚可唔可以

出街.點樣可以攞收據之後,就同個義工講"張棟樑國際官方網站(香港分區) $8000大元"嘩,當時個

口同隻手都震緊啊,怕自己講錯野,出錯就大鑊.於是我講左2次,個義工又講左1次,總共對過3次,再

要個義工應承實我今晚一定要出街我先肯收線.打完個電話,再同MSN班朋友話已經OK,我地就開始

High啦.跟住我就要開始2頭走勒.節目開始就要睇電話,做廣告就返電腦房同朋友傾MSN.(好彩老公

唔係屋企,如果唔係比佢見到實鬧死).

到左10:45左右,張敬軒出場,我個心就諗,如果係呢段出到就好了.棟樑同軒仔咁Friend.哈哈,佢

地倆兄弟真是有緣."張棟樑國際官方網站(香港分區) $8000大元就係呢個時間出現,而且仲行得好

慢.D字又長,有成半個版面,睇得清清楚楚啊.我當堂叫左出黎,好High啊.跟住就走返入電腦房同班

Friend一齊High.亞藍有用電腦錄影,即刻就可以cut左個版面出黎,短片就要慢慢攪啦.

Post左個版面出黎比大家High下先.短片就要後補啦.