小寶公寓

勞氣......點解要迫我講呢句.

我架貨van月底就夠期續牌,係手續上續牌前要先驗車.於是我老公就將架車比左個朋友攪,5月19號

一早比架車佢,約左5月22號驗車即係今日啦.大約10:30,我老公打電話黎比我,話叫個伙計車返貨

van張櫈落車房驗車.我一聽就已經火起,架車係車房已經4日,今日要驗車先同我講無左張櫈驗唔到.

有無攪錯.跟住我同老公講,伙計收左工啦.於是我老公就只好打返電話比佢地,叫佢地自己想辦法.

12:00,車房條友自己打電話黎比我,問我點解架車無左張櫈.我話架車張櫈一直都拆左,已經幾年

啦.我問佢.架車你地度4日,你地唔知無左張櫈咩?佢話,無留意.我話上年驗車,都係要自返張橩比你

地.跟住佢仲要同我講.係啦,咁點解今年你唔車返張櫈比我地啊.嘩.....我D火直標上腦啊.我即刻

同佢講.喂.你地專業嘅都唔知無左張櫈唔得,我點知啊.我識就唔使搵你地啦.於是佢就無聲出,隔左

一陣佢同我講,話而家入緊黎元朗.叫我攞定張櫈出去等佢.我同佢講,我唔係公司啊,你自己入去問

我伙計攞啦.跟住就收線.

唉........究竟前個4日,你地有無攪過我部車架.所以話,以後都唔好再搵朋友做野.越熟就越衰.