小寶公寓

零晨5:00,剛剛由公司由到家裡.全家人都在熟睡,我一個人無聊坐在電腦前.

近期沒什麼大事發生,剛剛替人家做完了4天的洗碗亞嬸,賺左$700,比左$160亞姐洗車.比左

$100侄女父親節買禮物比我老公.食左餐壽司+PIZZA用左$400,$700就咁用曬.做左4日,1日

就洗曬,真大洗.

返左4日工,無理過間屋.星期六果日又黑色暴雨,無出過街,於是啲起心肝去執屋,發現廁所浴缸支企

柱成支比侄女整爛左.全屋都搵唔到洗頭水,護髮素,同沐浴露.連我舊"飛沙走石"都唔見埋.行入廚

房,洗衣機大爆棚,足足洗左3機,掛到全屋萬國國旗咁.好彩開左冷氣,半日就乾.打開個雪櫃發現大

清倉.搵支野飲下都無,最後支橙汁都因為侄女飲完無效返入雪櫃壞埋.唉,我只有水可以飲.執完個

廚房到個廳,一地都係鞋,好似入左鞋鋪咁,我又要慢慢執返入鞋櫃.攪完一大輪之後,我終於可以舒

舒服服坐係疏化度,諗住睇下電視,點知D搖控全部失蹤,最終我又係屋企唔同角落執返出黎.我就黎

想死啦.真無咁好氣同我老公投訴,自己執好就算數.

正當我執曬間屋,真真正正可以睇電視之際,個電話又响,老公打返黎.叩我快D入定D雞,深水埗爆禽

洗感停活雞.唔係啊馬,過節先黎攪D咁野.煩小陣好唔好,於是我又要四出打電話搵雞.唉.. .. ..

煩死.

我只想平平淡淡過日子,唔想係呢D風浪上面搵快錢,雞啊雞求求你,唔好再病啦,好唔好,帮帮手等我

煩小一樣.最多我應承你,比你死得有價值D,我唔賣你咁平,好嗎?