小寶公寓

呢排黑到想死啊.

唔知咩踩左咩屎特然間黑到想死.

第一)上星期個電腦無端端壞左.我特然間人間蒸發,SORRY,來唔切通知大家,要大家擔心.

第二)自禽流感之後,生意真係差左好多,同老公商量過之彼,決定唔用個司機,自己做返,

可以慳錢之餘仲可以了解下出面個行程.所以近排都唔會好似以前咁多時間,但都係做半日,

所以都OK,唔會太辛苦.

第三)就係自己出去送貨嘅關係.前2日就係旺角比人偷左個手袋.所有証件都無曬,尋日先

有時間去做補領,8月14日有得攞.個袋係我係馬來西亞買,我好鍾意架.(嗚嗚嗚.. .. ..)

第四)就係比人偷左個袋個日,我辛辛苦苦咁追到個客寫埋張票比我,點知就比個X街偷左去,成

4萬架.比我知係邊個X街偷我個袋,你就死比我睇.

第五)唉比人偷左張票唯有底聲下氣叫人寫過張票比我.點知個老闆娘同我講,話老闆感冒入左

醫院,過2天再補簽比.到左星期日,我再打電話比老闆娘,問張票簽左未,點知佢話老人入左

深切治療部,佢唔可以入去.我又要再等,到左星期一,我再打電話比地,佢地依然推三推四.

到左星期二,佢地終於肯講,原來老闆係星期日已經死左.怕大家黎追數,所以唔敢講.

啊.. .. .. 晴天霹靂..佢地總數有成15萬.我點算好啊.(不如死個果係我.. ..)

唉.. .. .. 真係唔知做錯D咩,黑到死想.無左15萬,又要由頭黎過.

希望好似"明日之後"咁,全部衰野一次過黎曬之後,下個月開始重新黎過.