小寶公寓

有時真係零可信其有,諗起都仲有D怕怕.. .. ..

早2日同老公入左八鄉買D汽車零件,順便食埋個Lunch,食完飯我地就揸車返公司.

由打打風嘅關係,個日成日都落雨.我同老公返公司途中,就有把爛遮係個馬路中間,

隔離線又有車,於是我地就迫住直行,一路返到公司門口,我先見到原來把遮攝住左

係車底,我就一路開門一路同我老公講,原來頭先馬路把遮攝左係車底.話口未完,我

開好度門,就見到我3隻狗係到吠個唔停,平時我地返去,佢地淨係會撲埋黎要我地抱

同埋要我地摸下佢地,從來都唔會咁樣吠架,於是我同我老公都覺得有D唔多妥,跟住,

我老公就係車底攞左把遮出黎,佢地仲對住把遮吠得仲勁,一直吠,吠都我老公將把

爛遮掉左出街,佢地先肯收聲.

E..諗起都起雞皮啊,D老人家都成日話D遮好邪,唁好亂係街執返屋企,但無估到會咁樣.

好驚啊,我即刻叫老公去神枱裝反注香.安心下先.