小寶公寓

哈哈,9月的下半月發生了太多事了.

1)驗身報告終於出了,結果是.. .. 鼻子裡有數條血管比較幼,如果我哭,或情勢激動,血液加速時,那數條血管就會抵擋不了.

另外,我本身不知為何身體一碰就會"魚"的問題,就是我本身身體的血管都較幼及脆,所以很容易撞斷就會"魚".

報告出來的總結是.沒有媽媽所想的那種大病,但潛在的是血管幼及易斷,可能老年會比較易"中風".

2)我的野蠻奶奶又同大嫂撕片啦,事緣係進進同麻麻講唔想學跆拳,因為上堂比我左一拳右一拳咁打,同媽媽講,媽媽又唔理.

於是我奶奶又出手,將進進上跆拳D3掉曬.大嫂梗係唔會就咁就算啦,於是又嘈一餐飽嘅,仲同奶奶講你以後都唔使見個孫.

於是奶奶又發顛咁搵3舅父同我地2公婆講,叫我地帶進進比佢見,唉.. .. 呢張聖旨,我就唔敢接啦,等我老公去慢慢攪啦.

3)侄女呎排唔知咩事特然MSN我,但好聲好氣咁叫我,直覺上覺得好有問題,但又唔敢開口去問佢,怕拿野上身就麻煩,

唉.. .. .. 睇下佢同我講D咩先算啦.

4)上次撞我架車個盲毛,終於同我老公講數啦,因為上次大家傾唔掂數,於是我老公就去左報警,佢知道報警對佢唔

著數,於是就肯底聲下氣同我老公講話上次可能說話過份左,同我老公講SORRY,賠$2800希望我老公去消案,

其實我老公唔係想去報警要佢賠幾多錢,而係佢上次話我老公屈佢先激嬲我老公去報警.哈哈,賠$2800,我個新電話

又有著落啦.