小寶公寓

我老公又出醜啦.哈哈,起碼比我笑埋呢年啊.哈哈哈哈

早2日,有個師傅打電話黎落單,我老公聽電話嘅,佢地個內容如下.

老公 ; 喂,友聯

師傅: 喂,友聯啊,風味啊,聽日同我黎5隻雞,2隻尾禡.

老公 : 好,聽日到.

收線過後,我老公就同我講,風味小館,聽日要5隻雞,2隻做尾禡,個2隻送比佢地啦.

跟住我老公又講,佢地咁快就做尾禡嘅.

我亞媽就話,佢地可能生意都唔係咁好,咪提早做左先囉.我去收錢都見佢地越黎越晏先開鋪.

老公:係啊,佢地D亞姐都係大陸人多,可能早D做埋,比佢地返大陸過年啊.

於是到左第二日,我執貨,就執左7隻雞.單開5隻.

到左11:00左右,我收到個師傅電話,個內容如下,

師傅 : 友聯啊,我尋日叫左2隻米鴨,做咩無黎到啊,我等用啊,

我:... ... ... ... (隻眼超一超揸緊車嘅老公)

我:哦,好啊,我同你跟一跟,轉頭比返你.

於是我就同老公講,人地師傅係叫5隻雞.2隻鴨啊,唔係有2隻做尾禡啊,你點聽電話架?

老公 : X**ZY&^*(&^(*&^有無攪錯,個師傅邊到鄉下架?尾禡同米鴨都講唔清楚.

我:已經笑都收唔到聲.老公見我笑到收唔到聽,知道自己"魚"爆就繼續&^%^&*&黎

掩飾自己.

我老公本來都已經比我笑到佢無曬面,到返轉頭去比返2隻鴨個師傅嗁時候,老公仲要比

個妹妹仔寸多一野.個妹妹仔對面我老公講: E..雞佬,今日咁晏啊?

哈哈,我老公上車又同我講比個妹妹仔寸,話佢係雞佬,我又笑到出唔到聲.

而家逢係個師傅打電話黎,我老公都唔肯聽佢電話lu.哈哈