小寶公寓

我同媽咪講,呢個星期好似過我好快,媽咪話我過得充實所以覺得快喎.我就覺得係地獄生活多D.

零晨 4:30 ~~ 自己爬起身去沖涼,洗頭,梳洗,換衫.

零晨 5:15左右 ~~ 開始叫我家煩人起身.自己開始去PRINT單.

零晨 5:45左右 ~~ 我家煩人開始起身去沖涼,我就要去準備衫褲鞋襪加大毛巾.

清晨 6:15左右 ~~ 終於可以出門口去攞車返公司.

清晨 6:30左右 ~~ 終於返到公司,我要開始執貨.

清晨 7:15左右 ~~順利嘅話應該可以出門口啦.

清晨 7:15左右 ~~~~~~~ 下午 2:00 ~~送貨中.

下午 2:00左右 ~~ 返到公司而開始準備第2日要出街嘅貨,不後地拆袋,簡雞,再入貨,上磅.

黃昏 5:00左右 ~~ 執好貨,開始洗地.餵狗,同亞笨地玩陣.

黃昏 6:00左右 ~~可以返屋企啦.

黃昏 6:15左右 ~~ 返到屋企,得返半條人命,死去沖涼.

晚上 7:00左右 ~~ 開始叫外賣食.

晚上 9:00左右 ~~ 半睡中睇電視,其實係要聽埋夜晚D ORDER 唔訓得住,但我家煩人已經睡到呼呼叫.. .. ..(討厭)

晚上 10:00左右 ~~ 唔等啦,自己落留言信箱啦.

呢D就係我每日嘅生活,再係咁落去,我真係命都短幾年啦.我要快D請返個司機... ... ... ...