小寶公寓

你係我面前講一套,做一套,扼住我又另一套,你好野.我唔會再識你,唔該你以後唔會再搵我,唔好再上我屋企,我懶理你死人塌樓,唔好煩我.

我真係好失敗,個個我都信,結果一個又一個咁黎搵自己笨.

我老公以前無聊去做外賣仔嘅時候,識得個朋友叫儀姐,住係我屋企對面幢大廈所以成日都會上黎我地屋企,我份人又無咩所謂,所以,

大家都好Friend,咩野都講.

2月26號晚,我返左官塘食飯,老公係屋企,因為侄女又要黎攞錢.儀姐又上左黎用我個廚房去沖奶茶咖啡交貨.我出左門口之後,打過電話返

屋企,老公話佢地今晚食pizza,儀姐都係到食.我知道左之後就無哦左一聲,跟住就收線.

到左夜晚9:30左右,我係官塘食完飯,特然收到侄仔個電話,問家姐今晚返唔返屋企,我答細佬我出左街唔係屋企,我打電話同你問下啦.

第一時間,我就打左比儀姐,我問儀姐係邊,佢答我返左自己屋企啦.我再問佢知唔知侄女走左未,因為細佬打電話黎搵家姐,問家姐今晚返唔返,

係咪係我地到訓,儀姐答我我唔知,我7點幾食完pizza就返左自己屋企,ok咁算啦,我又打唔到電話返屋企問,所以就不了了之,我都無再答返細佬.

到左今日,我睇左侄女個blog,我先知道原來侄女個晚係我地到走左之後,就過左儀姐屋企,係儀姐屋企訓左一晚.

我即刻打電話比儀姐問佢係咪有件咁嘅事,佢先答我係,仲問我知黎做咩,喂... ... 全世界都以為侄女係我到訓架,佢係出面發生咩事,邊個負責啊,

你一直都知我反對侄女係出面過夜,你仲收留佢,收留先之後一直到今日我黎問你,你先認.

係我面前就扮曬野,又話個女d同學如果黎你屋企訓,你實會通知人地家長,唔好要人擔心.你有無通知我地啊.

我真係嬲到爆囉,唔該你以後都唔好再我面前出面啊,我屋企嘅事,唔使你咁多事啊.

我成世人憎就係出賣我同扼我嘅人,嘅然你有你嘅私人秘密係唔話得比我知嘅,我就知道我係你心目,係去到邊個程度.

都係算數啦,唔該你盡快還埋D錢比我,以後不拖不欠/