小寶公寓

唉.. .. 真係江山易改本性難移.

唉.. .. 可唔可以腳踏實地D,唔好樣樣都要搵著數,貪字變個貧啊,你大人大姐要搵著數都唔好教D細路講大話黎幚你啊,

個女已經精甩尾,你仲教佢講大話搵著數,同剎左佢有咩分別.


我奶奶生意唔好,就一早知道.佢地咁好心話比返架車我,我都知咩叫便宜莫貪.唉.. .. 點知佢地咁快手架車比返我2日就出手,

24號個日,我出左去拜山,夜晚返到黎,我老公特然同我講,話要租間屋,我問咩事,老公同我諦,話侄女今日搵過佢,話係屋企比

媽咪個男人打.侄女版本係咁嘅:

一早起身,發現細佬唔知醒返學,佢就即刻叫醒細佬起身,而細佬亦都立即起身,入房換衫,準備返學,就係個時,嘈醒左媽祖,媽祖

知道細佬唔知醒,就拿起支棍打細佬,侄女聽到,就入房用粗口鬧個亞媽痴線.跟住,媽咪個老公就摑左侄女一把,話呢間屋唔比講

粗口,而且有細佬係到,你咁鬧個亞媽,會教壤個細佬.

我老公聽完就火滾,話個侄女比人打就點到唔得,一定要租個間比佢地2姐弟住,我見老公咁火,我都費事頂佢,到左第二日,做完

野,我就慢慢同老公講,侄女仲細,唔可以比間屋佢自己住,佢會帶埋D朋友仔黎,到時仲多問題,你不如打個電話問下亞嫂,發生咩

事先啦.跟住老公就打比亞嫂.亞嫂個版本係咁:

細佬唔知醒已經遲到仲唔願返學,所以用掛衫枝膠棍打左細佬一下,佢個男人無打過個女.

同亞嫂傾完電話之後,侄女又打電話黎,話同亞麻有個解決方案,侄女話,亞麻搬過間鋪,佢同細佬搬去亞麻到,新鋪有個閣仔,

佢地2姐弟同亞麻住閤仔就得,我老公每個月比返6000亞麻養佢地就OK,其他事,我老公唔使理.

哈哈,終於知道咩"胡盧"賣咩藥,攬咁多野,原來又係為錢,每月承惠6000,你就可以安枕無優.唉.. .. .. 你都已經床50幾歲人啦,

都唔知仲可以同你講咩好.