小寶公寓

生仔唔係一件小事,唔係買隻狗養咁簡單.你要負責佢嘅一生.如果你唔想要小孩,就唔好生,唔好生

左又唔理,你知唔知啊,佢好可憐架.

今日收到我哎吔老爺個電話.話佢架貨車續唔到行車証,運輸署話我老公有張過期牌費未交,於是我

就打電話去運輸署CHECK下咩事,攪掂左之後就叫我老公覆返個電話比我哎吔老爺,點知我奶奶聽電

話.我老公叫左佢一聲,跟住我奶奶竟然同我老公講"你係邊個啊,我唔識你喎,我唔識D唔比錢嘅人渣

喎"跟住我奶奶就收線.我老公聽完個電話之後呆左,我問佢咩事,我老公問我:你覺得我亞媽當我係

仔,係路人甲,定係銀行啊?我再問佢咩事,佢就話比我聽話我奶奶咁同佢講野.佢話佢都只係要求個

侄女一個星期打一次電話比佢,唔好剩係每個月月頭好像追債咁打黎攞錢.佢就心滿意足咁比錢佢

用,而家個侄女又食煙,又飲酒.比佢亞媽教成咁,佢先唔理唔比錢姐,咁都有錯.我只有答佢,你第一

日識你亞媽啊,佢梗係比人激親,你打黎咪攞你黎鬧囉,唉...算啦.於是我老公就好唔開心咁開工.

其實我都知知地我老公同我奶奶佢地個結係邊,但我真係唔識解.

佢地個結就係,我老公就嬲個亞媽鍚個侄女多個錫佢,因為由細到大我老公都係由亞婆帶大,我奶

奶原全無理過,現在,我奶奶就好大聲咁鬧我地唔係人,好唔理個侄女.我老公就話,我細個時佢都咪

都無理過我,點解我就係人渣,佢就係好人啊,另外就係,我老公從來都唔計個錢字,我奶奶就句句都

係錢,所以我老公又覺得,你搵我咪又係講錢,從來都唔會話關心下我.所以我老公對奶奶D語氣都唔

會好好.我奶奶又覺得我係亞媽,你唔可以咁.於是咪2個人一見面就火星撞地球,一定嘈硬囉,呢個結

我就唔識結,亦無打算參與,所以唔好理我.