哈哈.今日我又可以見到我最掛住嘅人啦
. 我今日一早就起左身,打好曬D單,同老公執好曬D貨,就趕老公出車,因為我今日一早就要過澳門. MAY LING 佢地尋日已經過左澳門,但因為尋日我農曆生日,要同屋企人食飯,所以我今日先過去. 一早,我就去買埋4隻燒鵝脾,跟住老公就車左我去尖沙咀碼頭搭船過澳門,(SORRY 啦 老公,我又剩低你一個啊) 過到澳門都已經成11點,我打電話比亞BEAR,問左佢地位置,我就搭的士過去搵佢地. 見到MAY LING 地之後就開始澳門之旅啦. 第一站.新舊葡京. 哈哈,我都係一次入葡京咋,不過覺得無咩特別,同睇電視個環境絕對係2回事,無睇電視咁熱鬧. 
第二站.澳門觀光塔 嘩,真係好高,你個地下塊透明腸片望落下面,真你有D驚驚.仲見到有人玩"笨豬JUMP"好厲害啊. 
第
三站.氹仔官也街. 哈哈,亞BEAR 帶路,有左我地去食左個好正嘅LUNCH.(哈哈,其實都成3:00架啦),不過真係好正.D水蟹粥好甜. 墨魚丸又爽.西蘭花鮮魷又新鮮.哈哈,我地仲有叫其他野食架,不過都忘記了.埋單都唔貴,抵啊.食完之彼就去行 左個好靚嘅花園,行完個花園之後我地又去食過,哈哈,咁之輪到甜品啦... .. .. .. 木槺布甸 正.正.正.正... ...
第四站.威尼斯. 間酒店好靚啊,個商場都好大,入到去個商場到,藍天與白雲,個商場行極都行唔完,仲有歌劇表現,哈哈,有個真人扮嘅 石膏人企係度,大家都以為佢唔郁,點知佢就特然間轉身,嚇親MAY LING 個FRIEND TIM 哈哈.個商場我地埔左成3 個鍾都係行左一半咋,下之一定要再黎過.係個商場到我買左一SET袋一個大袋+2個小袋+1個記事簿+散銀包, 總數5件$300有找,抵啊.
行完個商場,我地就剎入賭場,哈哈.我第一次入賭場賭錢啊,不過我都係拉老虎機,OK啦.無嬴錢但都縛好玩. 最後連個賭場都行埋,我地就搭車走啦.因為亞BEAR第二日要返工.所以就同我一齊走,我地由氹仔返過澳門. 然後同亞BEAR上酒店攞返D行理. YEAH.. .. 多謝亞BEAR , MAY LING 同CONNIE,我收到今年第一份生日禮品啦.哈哈.. .. 佢就係厲厲妹. 厲厲係我係馬來西亞帶返黎嘅,估唔到比亞BEAR係澳門都搵到隻一樣嘅,真係有緣. 
(哈哈..啡色細個隻係厲厲,粉紅色大隻D個隻係厲厲妹)
同亞BEAR攞埋行理,我地都要趕去碼頭,都趕得切搭11點班船,返到香港成12:15,好彩都趕到尾班車返天水圍. 返到屋企1:30.4:00又要起身,又無得訓啦.不過都值得嘅.
留言列表
