小寶公寓

唉,都唔知邊樹黎咁多盲毛.今日比2條盲毛撞曬我火啊.. .. ..

第一條盲毛竟然成30幾歲人(哈哈,其實我唔知佢幾大,我估佢都唔細)連左右都未識分,攪到我行左成條英往道.

 話說,我今日要過海同架思域攪續牌照,間公司係鰂魚涌太古坊個頭,本應係出地鐵A出口就最近.點知我一出就出

左C出口,咁我就問個地鐵職員我應該點行,條友就教我C出口一去就一直向左行.我一出地鐵就見到個路牌英皇道

 7**號,跟住我就一直向左行.越行就越唔對路,前面唔多覺有商業大廈喎,於是我就走左入間鋪頭問人,"德宏大廈"

係邊,個老闆就指著右邊方向,叫我直行,唉.. .. .. 我已經行左成2條街啦,大熱天時直頭想死啊.又要行返轉頭. 3

第二條盲毛仲衰,前日我同老公係深水埗送貨,去到個紅燈位就停左係到,後面條盲毛個心都唔知飛左去邊, 成架車撞

埋黎,我同老公都'CHOP"左一下,個心都知道係比人撞左車,跟住就落車睇下點,原來後面架私家車 撞左埋黎,我架車個

尾門開唔到,跟住我老公就同個司機講,我就唔知點報價,我架車都好殘啦.極返就算.但因為 我地仲趕住入將軍澳,所以抄

底電話同車牌就算.好啦,做完野,我地就揸左架車去車房到比個師傅睇,個師傅睇 完之彼就咁同我地講.

1)度尾門凹曬,轉過度二手嘅,唔噴油,都要$1300.00

2)油壓臂$800/1支.一對盛惠$1600

3)由於撞尾打導致AUTO LOCK 損壞,轉鎖+連線$1000

4)尾燈一對$1000

5)尾 BOOM 把 二手$500

總數$ 5400 已經不計人工同燒焊

今日,我老公以前個老闆黎同我地借車去機場接機,我老公就同佢講起呢件事,佢老闆就好有經驗咁叫我地去報警備案

好,於是我老公就去左備案,跟住就打電話比個司機,同佢講車房師傅話架車要咁多錢整.本來我同老公都諗 住架車真係

殘,我未都諗住換過架,所以都唔打算要做足,D燈只係爆左,唔換都得.個酒壓臂都係,搵D野撐住就算, 唔好換啦.見佢架

車都好傷,就等佢慳D啦.點知條盲毛竟然同我老公講,話我架車殘,諗住賠返100-200就算,我當 堂咩火都黎.喂.你咁講

咩意思啊,我架車係殘,但仲行得走得,我供車供樓都係靠佢架,你點可以咁講.唔通你係街撞 到個亞婆,你同D警察個亞婆

都咁老,抵死啊.有無攪錯啊你.我話比你知啊,.係你係後面撞上黎,點講都係你唔對. 如果我唔肯庭外和解,上到法院,個官

淨係判你不小心駕駛都起碼判$1200,再加賠償啊.

正一盲毛,提起都火滾啦.