小寶公寓

哈哈,因為要睇棟樑的329大馬FROM NOW ON DVD,我老公要一個人返左深圳.SORRY啊,老公.

尋日約左一班姊妹上我屋企睇棟樑演唱會DVD,因為怕老公係屋企,大家會玩得無咁盡慶.

所以,我好似好好咁批左老公上深圳揼背.今朝一早4:00左右,我老公就打電話比我,叫我起身開工.

係車度,我老公就開始同我講佢尋晚嘅經曆.

我老公同我講,佢話尋日跟本就無想過要上深圳,所以一D都無預備,一個人企左係車站等車上去,

佢見到有2條路線上深圳,一條係由深圳橋上,一條由黃崗上.我老公見自己一個人,又漫無目的,

於是就決定試行深圳橋上.曾經有3架由黃崗上深圳的小巴經過,佢都無上.但越等就越唔對路,

等左成個鍾都唔見架車,於是,我老公就搭返黃崗架小巴準備過關.

去到黃崗,過左關後,由於現在是澳運期間,所有人的大小行理都一定要過x光機,我老公亦唔例外,

於是過一過x光機,又等左45分鐘.佢過都關時大約係5:30.

由於太耐無過深圳,去開邊D地方,都已經唔記得,佢上左架的士之後,諗左好耐,先講得出"福田區"

去到福田,佢自己一個人係福田四圍逛逛,終於望到一個比較熟悉的招牌"KFC",於是佢就走左

入去坐下,食左D野.食完野自己又一個人四維逛,我老公同我講,佢無聊到去逛街市.

行完個好大嘅街市,佢見到一個叫"休閒中心"嘅地方,於是佢就走左入去揼骨,順便問問可唔

可以過夜,佢地話可以過夜,於是我老公就係呢間休閒中心到落腳.

但我老公話間休閒中心,唔太正經,個技師問老公推唔推油,我老公問佢推油係點,原來佢地

推油係唔正經架,我老公話好彩問清楚.當我老公SAY NO 之後個技師D態度都差左好多.

我老公話佢地揼完次後就一直係度訓,直至3:00 MORNING CALL.我老公就返黎開工.

佢同我講完之後,我覺得自己好衰啊.自己要玩又扮曬大方咁話比個老公上去揼骨,其實佢都

唔想去,做完一日野,累到死咁仲要上去遊蕩,比間屋我玩.

頭先,同老公落左商場租碟時,我先記過原來商場除左美心西餅之外,仲有間大班.D蛋糕仲靚

過美心個D,我就同老公講,早知尋日就黎大班買蛋糕同班朋友慶祝啦,跟住我老公就問佢地,

整個蛋糕要幾耐.我就話我尋日都買左蛋糕,唔使問啦.跟住我老公摸摸我個頭就話,你下個月

生日,問定啱啦.

嘩.. .. .. 超感動啊,佢流浪左係深圳一日,返到黎無鬧我,無哦我,無黑面.仲話要買定蛋糕

我下個月生日,感動到死啦,好甜啊.

~~老公...我愛你,I LOVE YOU,小寶發誓最多你以後發脾氣,無理取鬧時,我頂小你2句啊.~~